ഹോസ്റ്റ്ലിലെ അവസാന 3 മാസങ്ങള്‍ എന്‍റെ കേശ സംരക്ഷണത്തിന് അത്ര നല്ല നാളുകള്‍ ആയിരുന്നില്ല. വളര്‍ന്നു പനംകുല പോലെ മുടി ഉള്ളവരുടെ കുറച്ചു കൊഴിഞ്ഞാലും കുഴപ്പം ഇല്ല. പക്ഷെ കഷ്ടപ്പെട്ട് ഒന്നും രണ്ടും മൂന്ന്‍ എന്ന് പറയുന്ന ജനസമൂഹത്തിനു ക്ലോറിന്‍ വെള്ളം അത്ര സന്തോഷം പകരുന്ന ഒന്നല്ല. ഏതു കോളേജ് എന്നോ, ഏതു നിമിഷത്തില്‍ എന്നോ ഞാന്‍ പറയുന്നില്ല .. ചില പ്രതെയ്ക സാഹചര്യങ്ങളില്‍ കോളേജ് മാനജ്ജ്മെന്റ്റ്-ന് ക്ലോറിന്‍ വെള്ളത്തില്‍ ചേര്‍ക്കേണ്ടി വന്നു. കോളേജ് ജീവിതം അവസാനിപ്പിച്ച് വീട്ടില്‍ ഇരുന്നപ്പോ എനിക്ക് ഒരു ആഗ്രഹം കാവ്യ മാധവനെ പോലെ മുടി വേണം. വൈകിട്ട് സ്കൂള്‍ വിട്ടു വന്ന അമ്മയുടെ മുന്‍പില്‍ കാര്യം ബോധിപിച്ചു.
കേട്ട പാതി കേള്‍ക്കാത്ത പാതി... അമ്മ എന്നെ പൊക്കി എടുത്തു ഞങ്ങളുടെ മാരുതി സ്വിഫ്റ്റ്ല്‍ ഇട്ടു. പിന്നെ ഒരു വിടീല്‍ ആണ്. എന്‍റെ ഈശ്വരന്‍മാരെ.... മുടി അഴകിനു പുറകെ പോയ ഞാന്‍ എന്‍റെ ജീവനെ ഒരു നിമിഷം വല്ലാതെ അങ്ങ് സ്നേഹിച്ചു പോയി. വെഹികിള്‍ ഇന്‍സ്പെക്ടര്‍ എന്ന തെണ്ടിയെ കയ്യില്‍ കിട്ടിയിരുന്നെങ്കില്‍ അമ്മയാണ സത്യം ഞാന്‍ അങ്ങേരെ വെടി വച്ച് കൊന്നേനെ. നമ്മുടെ കേരളത്തിന്‍റെ മഹത്തായ ഡ്രൈവിംഗ് ലോകത്തെങ്ങും കാണാന്‍ പറ്റാത്ത ഒരു പ്രതിഭാസം ആണ്. പല ലെവെലുകള്‍ ഉണ്ട് നമ്മുടെ ഡ്രൈവിങ്ങിനു. license കിട്ടി കഴിഞ്ഞ്‌ ഡ്രൈവിംഗ് പഠിക്കുന്ന ഏക രാജ്യം നമ്മുടെ നാട് തന്നെ.
ചെങ്ങന്നൂര്‍ ഉള്ള ഒരു ആയുര്‍വേദ ഡോക്ടര്‍ന്‍റെ വീടിന്‍റെ പടിപുര വാതുക്കല്‍ എന്‍റെ മാതാ ശ്രീ പൂര്‍വാധികം ശക്തിയോടെ വണ്ടി പിടിച്ചു നിര്‍ത്തി. ജീവന്‍ രക്ഷിച്ച സന്തോഷത്തില്‍ ഞാന്‍ ആനന്ദ നിര്‍ത്തമാടി. ഡോക്ടര്‍ന്‍റെ പക്കല്‍ നിന്നും 2 എണ്ണയും ഒരു ഹെയര്‍ ടോണ്‍, ഒരു ചുമട് ഗുളികയും, ഒരു ആയുര്‍വേദിക് ഷാമ്പൂവും മേടിച്ചു ഞാന്‍ സാഹസിക യാത്ര നടത്തി വീട്ടില്‍ എത്തി ചേര്‍ന്നു.
ഇനി മുടി വളരാതതോന്നു കാണണം എന്ന അതിയായ ആഗ്രഹത്തില്‍ ഞാന്‍ എണ്ണ ഒക്കെ നല്ലത് പോലെ തലയില്‍ തേച്ചു പിടിപിച്ചു.. ഇനി ഒരു മണികൂര്‍ കഴിഞ്ഞു അത് നമ്മുടെ കറ്റാര്‍ വാഴ ഷാമ്പൂ കൊണ്ട് കഴുകി കളയണം. സെറ്റ് അപ്പ്‌ പ്ലാന്‍ ഒക്കെ ചെയ്തു കുളിക്കുനതിനു മുന്‍പ് ഞാന്‍ ഷാമ്പൂ ബോട്ടില്‍ തുറന്നു. അപ്പോള്‍ അതാ മറ്റൊരു അടപ്പ് അതിന്‍റെ അകത്തു. തുറക്കാന്‍ തുടങിയപ്പോള്‍ ആണ് എന്‍റെ മനസിന്‍റെ ഒരു പിശുക്കന്‍ വിളി. അല്ല.. ഇത് ഇപ്പൊ മുഴുവന്‍ തുറന്നാല്‍ ഷാമ്പൂ പട പടെ എന്ന് അങ്ങ് തീരും. അത് കൊണ്ട് ഒരു കുഞ്ഞു സേഫ്ടി പിന്‍ എടുത്തു ഞാന്‍ അതില്‍ ഒരു തുള ഇട്ടു. അധികം ഒന്നും ചിന്തിച്ചില്ല.
തലയിലെ എണ്ണമയം കളയാനായി ഞാന്‍ പ്രകൃതിദ്ദത ശാപൂ ബോട്ടില്‍ എന്‍റെ കൈകളിലേക്ക് എടുത്തു... പിന്നെ അടപ്പ് ഊരി.. എന്നിട്ട് എന്നിട്ട് സിനിമ സ്ടെയിലില്‍ കുപ്പി തിരിച്ചു... ആഹാ ... ഇതാ വന്നു .. വന്നു.. എന്ന് വിചാരിച്ചിരുന്ന എന്‍റെ കൈകളിലേക്ക് ഒന്നും വന്നില്ല. കുപ്പിയുടെ തുള ചെറുതാണ്. നിരാശാജനകമായ ആ അവസ്ഥയില്‍ എന്‍റെ ആവേശത്തില്‍ ഞാന്‍ ബലമായി ഒന്ന് കുപ്പിയെ അമര്‍ത്തി. അപ്പൊ തന്നെ വന്നോളും എന്ന എന്‍റെ തിയറിയെ വെല്ലുന്ന പെര്‍ഫോര്‍മന്‍സ്. കുപ്പിയുടെ അടപ്പ് വന്‍ ശബ്ധതോടെ തറയെ ലക്ഷ്യമാകി പറന്നു. കറുത്ത നിറത്തില്‍ എന്‍റെ ബാത്രൂം ഫ്ലോര്‍ പള പള മിന്നി. കര്പുരത്തിന്‍റെ മനം അടിച്ചു തല കറഗിയ ഞാന്‍ എന്‍റെ ദൈവമേ എന്ന് വിളിച്ചു മുകളിലേക്ക് നോക്കിയാ ഞാന്‍ ഇന്നസെന്‍റെ സ്റ്റൈലില്‍ "എന്‍റെ അമ്മെ" എന്ന് പറഞു പോയി. വെളുത്തിരുന്ന മേല്‍കൂര വരെ കറത്ത് പോയി എന്‍റെ മുടി വളര്‍ത്തല്‍ പ്രസ്ഥാനത്തില്‍.
അതോടു കൂടി അമ്മയുടെ വായില്‍ ഇരുന്നതും. ഇതും പോരാതെ മണലാരണ്യത്തില്‍ നിന്നും I . S . D . വിളിച്ചു പിതാശ്രീയും എന്‍റെ മുടി വളര്‍ത്തലിന് അന്ത്യം കുറിച്ച്. ഇന്നും കാവ്യ മാധവന്‍ ടി.വി. യില്‍ "എന്‍റെ മുടിയുടെ രഹസ്യം" എന്ന് പറയുമ്പോള്‍... എനിക്ക് ഒരു പൊട്ടിത്തെറി മാത്രം ആണ് ഓര്‍മ്മ വരുന്നത്. പ്രകൃതിയുടെ വരദാനം എനിക്ക് വിനയായത്‌ ഇങ്ങനെ.
