ആദ്യ മഴ മണ്ണില് പതിയുമ്പോള് പൂഴിമണ്ണിനു ഒരു പ്രത്യേക സുഗന്ധo ആണ്. അത് എനിക്ക് ഒരു തരം ലഹരിയാണ്. ഒരു സുഖം ഉള്ള ലഹരി. കോണ്ക്രീറ്റ് ഇട്ട എന്റെ വീടിന്റെ ചുവരുകളും മേല് കൂരയും എന്റെ ഈ സുഖത്തിന്റെ അളവ് കുറയ്ക്കുന്നു. സിമെന്റ്റ് ഇട്ട പടികളില് ഇരിക്കുമ്പോള് ചെറിയ കാറ്റാടിച്ച് മഴ തുള്ളികള് എന്റെ മുഖത്ത് വീണുകൊണ്ടിരിക്കുന്നു .
എക്സ്പ്ലനെഷന് അല്പം റൊമാന്ടിക്ക് ആയതു തികച്ചും സ്വാഭാവികം. എന്ന് വച്ച് ഞാന് ഒരു അഗാധ പ്രണയത്തിന്റെ ജീവിക്കുന്ന പ്രതീകം ഒന്നുമല്ല കേട്ടോ. ജീവിതം തികച്ചും നോര്മല് ആയി ജീവിക്കുന്ന ഒരു 22 വയസുകാരി. കോളേജ് ജീവിതം അവസാനിപിച്ചത് 3 മാസങ്ങള്ക്ക് മുന്പാണ്. പുതിയ തലമുറയുടെ ഉദ്യോഗത്തിന് വേണ്ടിയുള്ള നട്ടം തിരിയത്തിനു ചെറിയ രീതിയില് ശമനം നല്കിയ ഓമന വാക്ക് "പ്ലേസെഡ്" എന്ന ടാഗുമായി കോളേജ് വിട്ട ഞാന് ഇന്ന് വീടിന്റെ പടി വാതിക്കല് കുത്തി ഇരുന്ന് സാഹിത്യം പറയാതെ വേറെ എന്ത് ചെയ്യും. എന്റെ M .N . C. എന്നെ വിളിക്കുമായിരിക്കും.
അക്ഷരങ്ങളുടെ ലോകത്തോട് വീണ്ടും സ്നേഹം തോന്നാന് ഈ മഴകാലം എന്നെ പ്രേരിപ്പിച്ചു. പണ്ട് സ്കൂളില് മലയാളം 2 പഠിക്കാന് കെ. എല് . മോഹനവര്മയുടെ "പ്രൊഫസര്ടെ ലോകം" എന്ന പുസ്തകം വായിച്ചത് എന്റെ ഈ എഴുത്ത് ശൈലിയെ വളരെയധികം സ്വാധീനിച്ചു. എടുത്താല് പൊങ്ങാത്ത വാക്കുകളും അതിലേറ മനസിലാവാത്ത അര്ദ്ധങ്ങളുമായി എഴുതണം എന്ന എന്റെ ചിന്തയെ മാറ്റി മറിച ഒരു രചന.
പുതിയ തലമുറയെ ആവേശം കൊള്ളിച് സാള്ട്ട് n പെപ്പെര് എന്ന സിനിമയിലെ ആന കള്ളന് എന്ന പാട്ട് എന്റെ ബാക്ക്ഗ്രൌണ്ടില് വെടി പൊട്ടിക്കുന്ന രീതിയില് അമ്മുമ്മ ടിവിയില് വച്ചിരിക്കുന്നു. കാലത്തിന്റെ ഒരു പോക്കെ.. പണ്ട് രാമാനാമം ജപിചിരിക്കുന്ന മുത്തശ്ശി ഇപ്പൊ ഇതാ മെട്രോ ലൈഫ്ന്റെ റോക്ക് മ്യൂസിക് ലെബെല് ആയ അവിയല് ബാന്ഡ്ന്റെ ആന കള്ളനൊപ്പം താളം കൊട്ടുന്നു. പെട്ടന്ന് ചോദിക്കാം "എന്തെ മുത്തശ്ശിക്ക് ആയികൂടെ?". വേണമെങ്കില് ഒരു ജാഡക്ക് പറയാം "മൈ ഗ്രാന്ഡ്മതര് റോക്ക്സ്".
എല്ലാ സൗകര്യങ്ങളും ഉണ്ടായിട്ടും സിറ്റി ലൈഫ് എനിക്കെന്നും മടുപ്പാണ്. ഒരു തരം വച്ച് കെട്ടല് പോലെ ഒരു ജീവിതം. മെട്രോ ലൈഫ്ന്റെ ഫാസ്റ്റ്നെസ് ചിലപ്പോള് ഒക്കെ സ്വന്തം ലൈഫ്ന്റെ സ്ലോനെസ്സുമായി കൂടി മുട്ടുമ്പോള് ഉണ്ടാകുന്ന വീര്ര്പ്പ് മുട്ടലിന്റെ അഫ്ട്ടറര് എഫ്കട്ട്സ് എന്ന് വേണമെങ്കില് പറയാം. എന്തായാലും ഇതിനു ഒരു വിരാമം ഇടാന് എന്റെ M .N . C. മനസ്സ് വൈക്കണം.
റാന്ണ്ടo തോട്ട്സ് ഇനിയും ഒരു പാട് ഈ മഴയുടെ കൂടെ വന്നും പോയും ഇരിക്കും. വീണ്ടും എന്റെ ഓര്മകളുടെ ലോകത്തിലേക്ക്..........